Karleh February 9, 2012 a Kolasib XI leh Silchar XI ten Silchar a Friendly Football Match an khelh tur chungchang ruahmanna siamin vawiin khan DC Pi Niharika Rai hovin a office chamber ah meeting neih a ni.

Football Match hi Mizote leh cachar phaia chengte inkara inhriatthiam tawnna leh inunauna boruak tha a awm theih nan tia Kolasib DC Pi Rai hmalakna a neih tur a ni a, inkhelh hi Feb. 9 chawhnu dar 1:30 ah Rajiv Gandhi Sports Complex, Udarband, cachar ah neih a ni ang. Kolasib XI te hi Kolasib atangin DC, sorkar officer te leh inkhel enduh tu mi engemaw zatin an tawiawm dawn a, mahni motor a kal theite chu a tam thei ang thawkchhuak tura ngen an nih bakah DC chuan kalna tur nei lo te tan bus 3 a ruahman sak dawn a ni. Bus a kal duhte chu mahni awmna YMA branch hruaitute hnena in report tura tih an ni a, zing dar 7 ah DC office kawt tual atanga chhuah a ni dawn a ni. Kolasib XI te hian Jersey rawng dum an ha dawn a ni.