No.2502/2020-2020

Vawiin chawhma khan Pu Robert Romawia Royte, Sports Minister chuan Kolasib khaw chhunga khelmual hrang hrang awm te tlawhin, tihchangtlun zawk dan tur a hmunah a enpui a, Sports Stadium, Kolasibah Pu K Lalrinliana, FCS&CA Minister leh Pu Lalrinsanga Ralte, MLA te nen thing phunna hun an hmang bawk.

Pu Robert Romawia Royte chuan Regional Sports Training Centre, Saidan Football ground a phul phah mek chu tlawhin, FIFA in football ground awm dan a duan ang a a siam a nih thu sawiin, FIFA certified football ground hman theih mai tur a peih fel tep a ni a, Mizo infiammi ten hei hi kan hman tangkai hle ka ring a ni, a ti. Minister chuan Regional Sports Training Centre-ah infiamna discipline hrang pathum tal awm thei tur a ruahmanna siam a nih thu a sawi a, Hmar Veng, Kolasiba Futsal khelmual sak dan tur a enpui nghal bawk a ni.