Vawiin chhun dar 12:00 (Noon) khan Saiha District Bawrhsap Pu Alok Swarup IAS, Office Chamber-ah Dt 1.01.2013 qualifying date-a hmanga buatsaih Final Electoral Rolls chu tlangzarh a ni. He Final Electoral Rolls tlangzarhna inkhawm tawi hi Pu HD Lalpekmawia, Election Officer chuan a kaihruaia, Pu N.Chakhai, ERO chuan Electoral Rolls buatsaih dan report kimchang a pek hnuah Pu Alok Swarup IAS, Deputy Commissioner, Saiha District chuan Final Electoral Rolls chu tlangzarhin, political party aiawh kalkhawmte hnehah Electoral Rolls copy khat theuh hlan nghal a ni. He Final Electoral Rolls tlangzarh inkhawm tawiah hian Polical party hrang hrang aiawhte, NGO hrang hrang aiawhte, chanchinthar thehdarhtute leh Official-te an kim hle a ni.

He Final Electoral Rolls-a alan dan chuan 39-Saiha (ST) Assembly Constituency chhungah voters thar 826 awmin, voters 381 Electoral Rolls atanga paih an ni thunga, voters punna hi 2.51% niin, chu chu voters 445 an ni. Tichuan 39- Saiha Assembly Constituency chhunga voters zawng zawng chu mi 18176 niin, Hmeichhia voters 9375 leh Mipa voters 8801 an awm a ni.

40-Palak (ST) Assembly Constituency hnuaiah erawh chuan voters thar 372 an awm a, voters 267 chu paih an ni thung.Voters punna chu 0.61% niin, chu chu voters 105 in an pung tihna a ni. Tichuan 40- Palak Assembly Constituency hnuaia voters awm zawng zawng chu mi 15495 an ni a, Hmeichhia voters 7815 leh Mipa voters 7680 an awm a ni.

Saiha District chhunga voters awm zat chu 33671 niin, hmeichhia 17190 leh mipa voters 16481 an ni. Saiha District chhunga voters punna hi 550 niin, chu chu 1.66% in Voters an pung a ni.