Lunglei District huamchhunga Polling Parties hrang hrangte duty-na hmun tur ruatfelna ‘Final Polling Personnel Randomisation’ chu vawiin khan Lunglei DC/DEO Pu V.Sapchhunga hovin General Observers 30(ST)Lunglei North-Pu Julius Lakra, 33(ST)Lunglei South-Pu Vevekanand Jha, 34(ST)Thorang-Pu Debi Prasad leh election officials te nen ti zawh a ni a. Final Randomisation tih zawh takah hian Presiding Officers leh Polling Officers zawng zawngte duty-na tur Polling Station leh Constituency chiang takin ruat a ni tawh a ni.

Lunglei District huamchhunga Polling Station hrang hranga hman tur EVM endikna leh vote thlak chhinna ‘mock-poll’chu vawiinah pawh tihchhunzawm zel a ni a. Tun dinhmunah 29(ST)-South Tuipui tana EMV-te chu endik zawh tawh a ni a, 30(ST)-Lunglei North leh 31(ST)-Lunglei East mock-poll hi tih mek a ni bawk.