13th Finance Commission member te leh official te Mizoram rawn tlawh tute chu vawiin khan an Chairman tiam lovin haw pahin Aizawl Greater Water Supply Scheme Phase-II leh Serlui Hydel Project tlawhin Reiek tlangdung thingtlang khua te tlawhin an haw ta. Heng Commission member hote hi Reiek thlengin Pu Lalrinliana Sailo, Health & Family Welfare Minister leh Pu H.Zothangliana, Parliamentary Secretary te leh Principal Secretary ten an tawiawm a, Official thahnem tak bakah Pi L.Tochhawng, Principal Secretary in Aizawl Greater Water Supply Scheme Phase II thleng tawiawmin Pu Lalsawta, Principal Secretary, Finance in Lengpui thleng a tawiawm hlawm.

 

 

Finance Commission memberte hian Aizawl Greater Water Supply Scheme Phase-II chipchiar taka tlawhin hnathawk kal mek leh sum mamawh belh dan te a hmunah official te an titipui a. Reiek-ah a khaw nawtin an lo hmuak a, Zokhua leh Gov’t. Middle School an tlawh a, hei bakah hian Rulpuihlim leh Rawpuichhip-ah khawtlang hruaituten lo hmuakin an lo lawm a ni.

Vawiin chawhnu vek khan Lengpui atangin an haw ta a ni.