Mizoram sorkar Finance Department (IF & SL)  thu chhuahin a tarlan danin Legacy Saving Corporation and Business Loan Undertaking (Legacy Finance Company Ltd.) Seling Branch a pawisa dah tuten an pawisa dah an lakchhuah theih loh avanga sorkar-ah complaint an thehluh chu sorkar-in a enfiah a. Legacy Finance Co. Ltd. hotute chuan 30.8.2011 khan thiamthu sawina lehkha an siam a, deposit tute nena an in rem tawh thu sawiin, an inremna lehkha pawh an thehlut bawk a. He an in sawifiahna lehkhate hi  15 September, 2011  chhun dar 1:00 ah enfiah tur a ni a. A enfiahna hmun tur chu Finance Secretary, Govt. of Mizoram Office Chamber Room No. 215, New Secretariat, Khatla Aizawl a ni.

He hunah hian a tul anga thu zawhfiah theih turin Legacy Finance hotute leh depositor te chu tel ngei tura hriat tir an ni a, midang hemi chungchanga sawi duh neite pawh he hunah hian kal theih a ni. Hemi huna sawifiah ngaite sawi tura kal lo chu sawi tur nei lo a ngaih an ni ang.