Vawiin chawhma khan Finance Minister Pu Lalsawta, Planning Department enkawltu ni bawk chuan New Secretariat Conference Hall-ah Meeting pawimawh tak a ko a. He hunah hian NEDP leh SPP hnuaia hmalatu Department aiawh Secretary te leh Director te nen an hmalakna kal mek leh an thlen chin te sawi ho a; hmalak chhunzawm zel dan tur rel a ni. 

Finance Minister Pu Lalsawta chuan Meeting hi kaihruaiin inthlan kum nimahse  sawrkar hmalakna liantham NEDP leh SPP hnuaia project te leh hmalakna pawimawh dang kalpui mekte chu sukuk lova tha taka chhunzawm a nih theih dan te a sawi hmasa a. Hemi hnu hian Finance Principal Secretary Pu Lalnunmawia Chuaungo, Planning Secretary  Dr. C.Vanramsanga leh Finance Secretary Pu Sawihlira ten Finance leh Planning kaihhnawih thil,  Department ten an hriattur leh zawm tur te an sawi leh a. Department hrang hrang aiawh Secretary leh Director ten an hmalakna chungchangte an sawi leh diat diat leh hnuin thil pawimawh sawihona leh hmalak dan tur ruahmanna neih a ni.