2001/2025-2026

Lawngtlai the 4th Sept.2025 : Vawiin chawhnu dar 2:00 khan Lead Bank leh Mizoram Police Lawngtlai District tangkawp a buatsaih Financial Literacy Campaign cum Drugs Awareness Campaign chu Lawngtlai Bawrhsap Pu Donny Lalruatsanga MCS in a hmanpui.

Bawrhsap Pu Donny chuan thusawina neiin programme buatsaihtu leh Kalkhawmte chungah lawmthu a sawiin, kan State dinhmun thlirin nitin deuh thaw ruihhlo damdawi man chungchang hriat tur Kristian ram ah a awm a, Kristian rama thleng a tan chuan a thang a mawi lo hle a ni a ti. Ruihhlo hian District, Society leh chhungkua a nghawng a, Sorkar Official level ah pawh ruihhlo do Committee hial din a ni a, Kan ram hi a him lo ani a ti bawk. Ruihhlo kan rama a tam na chhan pakhat chu ruihlo demand a san vang ai mahin hausak thut leh hausak vat vat chak na avangin ruihhlo tawlh ru leh zuar an tam vang a ni ati. Sorkar leh Enforcement kutah dah mai lovin Chhungkua, kohhran, khawtlang ruhhlo do na kawngah kan tanrual a ngai a ni a ti. Sorkar mi leh sa te phei chu ruihhlo leh a kaihhnawih ah kan fihlim tur a ni a ti. Ruihhlo hi kan hmelma ah kan ngaih a, kan ramah ruihhlo ti leh ruihhlo hmanga sumdawnna a lo reh a, a lo kiam zel theih nan keimahni leh kan chhungkua theuh ah tan kan lak a ngai a ni a ti bawk. Kan ram kan hnam ruihhlo ah kan fihlim theih nan ngaihtuahna thar, rilru thar, hmalakna thar kan neih a ngai a ni a ti.

Campaign hi Pu PC Lalchunglura,SP Lawngtlai in kaihhruaiin, Pu J.M.Soren, LEAD District Manager in kalkhawm te lawmna thu a sawi a. Pu Lalsiama Guite, Chief Manager, SBI Lawngtlai in Financial Literacy chunchang inhrilhhriatna a nei a, Pu H.S. Lalmuanpuia, SDPO Lawngtlai in Drugs Awareness & Investigation of ND&PS Case chungchang inhrilhhriatna leh zirtirna hun hmangin Miss Ramdinpuii,Centre Manager, CFL Lawngtlai, CRISIL Foundation in lawmthu sawina a nei bawk a ni.