Lunglei District Urban Development Office bultumin vawiin khan Lunglei Convention Centre-ah ni khat awh DAY-NULM hnuaia beneficiary-te tan Financial Literacy Campaign workshop buatsaih a ni a. Lunglei DC Pi Lalzarmawii, IAS chuan he workshop hi a hawng a ni.

Pi Lalzarmawii chuan mitin in sum hman leh khawl chungchangah awareness nasa zawk kan mamawh theuhin a rinawm a ti a, mahni sum enkawl kan thiamlo in, a bikin Mizo ten mahni thawh chhuah mil a nun kan thiamlo thin a ni, a ti. Financial literacy campaign DUDO-ten an buatsaih chu lawmawm tiin tangkai taka hmang turin a chah a. Kalkhawm tam zawk te chu hmeichhia an nih angin, Lunglei DC chuan a hmeichhe pui te chu eizawnna kawngah an duai loh bik zia a lang a a hriat thu a sawi a ni. Loan hmanga sumdawnna tan tur te an nih avangin, loan chu thilpek anga ngailo a, tha taka rul tur leh a hmanna tur dik taka hmang a, dinchhuah pui ngei tura a duh thu a sawi bawk a ni.

Pu Andrew Lalhruaia, DUDO, Lunglei chuan he hawnna inkhawm hi kaihruaiin, kalkhawm te chu ram ei leh bar dinhmun siam kawnga thawktu pawimawh tak an ni tiin, sawrkar laipui pawhin a ngaih pawimawh em em thu a sawi a. Hun hlawk thlak tak hmang turin duhsakna a hlan nghal a ni.

Pu Vanlalhriatrenga Jahau, Asst. Manager, MRB, Serkawn Branch chuan ‘Universal Financial Inclusion’ ah presentation neiin, ‘Affordable Social Security Schemes’ tih ah Pu Lalduhawma, Branch Manager, MRB, Lunglei Branch leh Pu Joel L. Murray, Manager, S&ME, DUDO, Lunglei ten presentation an nei ve thung a ni.

Vawiina workshop hi Lunglei khawpui, DAY-NULM hnuaia street vendor/hawker, Self Help Group (SHG) leh trade hrang hrang thlangtu BPL trainee te tan bautsaih a ni.