No.3160/2021-2021 

Aizawl the 25th November, 2021 : Mizoram Chief Secretary hova October ni 11, 2021-a meeting neih chuan Krismas leh Kumthar vuakvetah halpuah leh halmawi chi hrang hrang hal loh ni se tia a lo rel tawh angin department leh mawhphurhna hrang hrang la tute chuan hma an la chho mek a. Hemi denchhen hian Fire & Emergency Services te pawhin November 25, 2021 zan dar 8:00 PM khan Aizawl khawpui chhung leh District Headquarters hrang hrangahte Street Campaign on Prohibition of Fire Crackers and Other Pyrotechnic materials chu an nei a. He Street Campaign hawnna pui ber chu Aizawl khawpuiah neih  niin Flag Off Programme  hi Vanapa Hall kawtah ni 25.11.2021 dar 8:00 PM khan Pu C. Lalthanmawia, Director, F&ES hovin   neih a ni.

He Street Campaign ah hian mipuite zirtirna leh ngenna tlangaupui a ni a.  Mizoram Sorkarin a khap tlat angin kumin krismas leh kum thar lawmna vuakvet –ah halpuah, halmawi leh a kaihhnawihte hal lo turin Fire & Emergency Services chuan mipuite a ngen a ni.

Halpuah, halmawi leh a kaihhnawih hal hian boruak a tibawlhhlawhin mihring hriselna a tihchhiat theih bakah kangmei a tichhuah theih avangin tumahin hal lo turin F&ES chuan mipuite ngen tak meuh a. Dam lo, thawk lama harsatna nei, tar chak lo leh lung chak lo te tan a tha lo leh zual hle a ni tih hre thar leh turin mipuite an ngen a ni.