Mizoram Fire & Emergency Services buatsaih state pumpui Fire Precaution & Prevention Painting Competition a tithate hnenah vawiin khan Mizoram DGP Pu Lalrokhuma Pachuau chuan lawmman a hlan.
He lawmman semna inkhawm Hunthar Veng Mizoram Fire & Emergency Services Office katzawla neihah hian lawmman dawngtute chu :
1st Daniel Lalengkima, Class VI - Rs. 5000 +
LittleKingdomSchool, Saron Veng Certificate
2nd Hmangaihchawngdingliana Chawngthu, Class VII - Rs.3000 +
Kendriya Vidyalaya, Zemabawk Certificate
3rd Ramnghahmawia, Class XII - Rs.2000 +
Govt.MizoHigherSecondary School, Aizawl te an ni. Certificate
Consolation Prize mi 5 bakah Youngest Participant Prize chu K. Lalrinhlupuii (Kum 6), Rosebud School, Ramhlun Venglai hnenah Rs.500 leh Certificate hlan theuh an ni. Pakhatna atanga pathumna dawngtute lemziah hi India rampuma hetiang inelnaa tithate lemziah dangte nen Delhi-ah thawn a, a tha ber pathum thlan chhuah leh tur a ni.
Mizoram DGP Pu Lalrokhuma Pachuau chuan naupangte tana hetiang inelna siam a ni theih chu lawmawm a tih thu a sawi a. Kangmei laka inven dan chungchang hi tun aia nasa zawka zirtir a tul tak zet a, naupan laia zirtir an nih ngat phei chuan anmahniah nghet taka tuh a ni ang a, an puitlin thleng pawhin an hriat reng tawh dawn avangin uar zawka zirlaite hrilhhriat hi a pawimawh a ni, a ti. Sorkarin kangmei tichhuak lo tura tan a lak laia in lo tikangtu nih hi a zahthlak a, thenawm khawvengte huat hlawhna a nih bakah dan bawhchhiatna a ni a, hrem theihkanni tih hrethar lehin kangmei tichhuak loturinDGP chuan mi zawng zawng fimkhurturina ngen a ni.
Lawmman sem inkhawm kaihruaitu Fire & Emergency Services Director Pu Zorammawia pawhin thu sawiin kum dang ai zawnga kuminah in leh ram kang a tlemna chhan chu Fire Department-in awareness campaign nasa takin a beih vang a ni, a ti. Mipuite kangmei laka inven dan leh fimkhur dan inzirtir hi a hlawk hle avangin Mizo Idol Tour siamin fire awareness campaign hi tun aia nasa zawka kalpui tum a nih thu a sawi bawk. Kangmei thelhna hmanrua fire extinguisher chu subsidised rate-in lei theih a awm reng thu sawiin F&ES Director chuan duh aiin mipuiten an ngaihven loh thu a sawi a; fire extinguisher bakah tui khawl sa leh puankawp chhah chi hi in tinah kangmei chhuah thulah chhungkaw tin ten inven nan nei ngei thei se a duh thu a sawi bawk.
Vawiin vek khan zirlai naupang leh zirtirtute chu Fire motor leh Fire extinguisher te a taka kahtir chhin an ni a. Kangthelhhoten kang an thelh dawna an tihdan indawt hrang hrangte an entir bakah fire extinguisher tangkai dan leh kang tantir a awma kangmei thelh dan naupangte chu entir an ni.
Fire Services hotute chuan “fimkhurna” hi kangthelhna hmanraw tha ber leh awlsam ber, mitinin man lova an neih nghal a ni a, khua a thal chho mek lai hian chhungkaw puipate chu an in leh a vel kangmei tichhuakthei a awm loh endik fova, zan mut hmain electric switch leh plug te, gas cylinder te check ziah turin an ngen a ni.
