Sub-Committee on Fire Prevention chu an Committee Chairman, Environment & Forests Minister Pu Lalrinmawia Ralte kaihhruaina hnuaiah vawiin khan Minister Office Chamber-ah meeting an nei.

Meeting-ah hian kumin atan a Fire Prevention Week chu February ni 21 atanga ni 27 thleng hman turin State Level Committee-ah chhawp chhuah nise tiin rel a ni a. Kum dang angin March ni 15 aia tlai lovah lo hal tur a ruahmanna siam niin, ram pum huapah tlai dar 3 hnu lamah chauh hal tura inhriattir ni se, tiin rel a ni bawk. Fire Prevention Week hawnna ah hian nikum 2013 a Fire Prevention lama District leh Village Level a tithate hnenah lawmman hlan ni se ti a rel a ni a. Meeting-ah hian District tin a kang mei laka inven kawnga tithate enfiah tur tlawmngai pawl hrang hrangte kal dan tur te siamfel niin, Awareness Campaign pawh kum dang aia ngawrh zawk leh uar taka kalpui rel a ni.

Sub-Committee in a thu rel te hi Chief Minister hova State Level Fire Prevention Committee a thut hunah en ho leh a ni ang.