Vawiin hian Fisheries Department Serchhip buatsaihin, Serchhip khawpui chhunga Dil Sangha khawitu mi 60 thlan chhuahte tan Fish Farmer Training, CMO Conference Hall, Serchhip ah neih ani .
Vawiina Fish Farmer Training kaihhruaitu Pi Zonuntluangi ,District Fisheries Development Officer chuan sangha khawitu chu an Sangha leh dilte taima tak leh tih takzetna nena enkawl a, mithiamten zirtirna an pek anga awmze nei leh hlawk zawka sangha tharchhuak thei tura fuihin, training hlawk tak hmang theuh turin duhsakna a hlan a ni.
He Fish Farmer Trainingah hian Fisheries department mithiamten zirtirna an pe a, Sangha Dil enkawl dan (Fish Pond Management)te, Sangha Tui tir dan (Fish Breeding) te leh Sangha leh thildang khawi kawpdan (Integrated fish Farming) chungchangah te, uluk takin a lem nen entirin zirtirna an pe a ni.
Serchhipah hian Sangha khawitu chhungkua 500 chuang awmin, heng mite hi Fisheries Department-in a theih ang angin sawrkar atanga tanpuina awm thei te an pe thin a, hei hian Serchhip khawpuiah Sangha tharchhuah nasa takin ati pung a. Tunlai hian Fisheries Department hmalakna hlawktak pakhat Puddy-cum-Fish Culture (leileta buh leh sangha khawi)tu ten leileta an sangha khawi te an seng tan mek bawk a ni.
