2305/2022-2023

Champhai, the 13th October, 2022: Champhai District leh Khawzawl District chhunga Fisheries Department hnuaia Centrally Sponsored Scheme (CSS) kaltlanga  hamthatna dawngtute hmalak dan endiktu Departmental Monitoring Team chuan October ni 10-13, 2022 chhungin Champhai District leh Khawzawl District-a hmalaknate an endik.

Departmental Monitoring Team aiawh hian Chairman Pu Laldawngliana, Secretary, Fisheries Department leh Member Pu F. Vanlallawma, Director, Fisheries Department-ten Khawzawl leh Champhai hi an tlawh a. CSS Scheme hrang hrang; PMMSY, Blue Revolution, RKVY leh adangtea beneficiary-te hmalakna an endik a. An ni hi Pu Lalhmunsanga, DFDO Champhai chuan  tawiawmin, CSS project component hrang hrang; New Pond, Carp Hatchery, Unit Fingerling Rearing Unit, Ornamental Rearing Unit-a hmalak tawhna leh hmalak mekte an endik a. Keilungliah tuikhuah pawh tlawhin Fisheries Deparment kaltlanga hmalak theihna tur angte pawh an enho nghal a ni.

Fisheries Department hotute hian October ni 10 khan Khawzawl District-a Fisheries Department Office tur Khawzawl DC Pu C.C. Lalchuangkima hovin an en a. Heng bakah hian an cham chhung hian Khawzawl District Fisheries Association leh Champhai District Fisheries Association hotute nen inkawmhona hun an hmang a. Mamawh leh harsatna an neihte bakah hmalak tulte sawiho a ni.