Vawiin hian Serchhip District Fisheries Department chuan New Land Use Policy 3&4 Phase hnuaia District chhunga sangha vulh thlangtu chhungkaw 27 te hnenah sum faia tanpuina hnuhnung ber an sem a, Calendar of Work angin he tanpuina hi Sangha dil siam puitlinna tur a ni.

Pi Zonuntluangi, District Fisheries Development Officer chamber ah NLUP semna hun hi hman niin a dawngtute hnenah Pi Zonuntluangi hian an pawisa pek hmanna tur leh an hmang ngei em tih an enzui tur thute a hrilhfiah hnuin dawng tura kalkhawm te hnenah heng tanpuina hi a hlan a, chhungkaw tinte hnenah Rs. 6000 theuh pek an ni a, vawiina semchhuah hi a vaiin Rs 162,000.00 a ni.