No.3410/2020-2020

Vawiin khan Fisheries Department Director Pu F. Vanlallawma leh Deputy Director Pu Lalrochhara hovin Kolasib District Fisheries Department te chuan Serlui B Hydel Project a Cage Farm ah sangha chi (fingerling) an chhuah.

Vawiina sangha chi an chhuah te hi Common Carp leh Grass Carp chi 15,000 a ni a, sangha chi hi Cage Farm ah hian chhuah chhuamzawm zel tura ruahman a ni. Sangha chi chhuah project hi Blue Revolution Scheme hnuai hmalakna kal lai a ni a, he scheme hnuai ah hian sangha chi chhuah tur hi a vaiin chi 60,000 vel a ni.

Vawiin a Fisheries Department sangha chi chhuahna ah hian Pi C. Lalparmawii DFDO, Kolasib leh District Fisheries Development Staff ten an tawiawm a, Fisheries hnuaia Sanga chi 60,000 Cage Farm a chhuah turte hi Pu Lalzamliana Buhchang hnen atanga lei a ni a. Fisheries department hotute hian Cage Farm bula sangha chi siamna hmun leh a neitute a tlawh nghal bawk a ni.