595/2022-2023
Aizawl, 24th May, 2022 : Nimin ni 23.5.2022 (Thawhtanni) khan Mizoram Assembly Speaker Pu Lalrinlaina Sailo chu Former Legislators Association of Mizoram (FLAM) hruaituten a office chamber-ah hmuin, Mizoram Legislative Assembly Golden Jubilee ni 9 & 10 May, 2022-a lawm chungchangah Letter of Appreciation hlanna leh lawmthu sawina hun an hmang.

FLAM President Pu Liansuama chuan Letter of Appreciation hi Speaker Pu Lalrinliana Sailo hnenah hlanin, Mizoram Legislative Assembly Golden Jubilee lawmnaa FLAM Member te dah pawimawh an ni chu lawmthu a sawi a. Golden Jubilee hlim tak leh hlawhtling taka lawm a nih chungchangah Speaker, Deputy Speaker leh Assembly Secretariat officer leh staff zawng zawngte thawhhona tha leh thawhrimna vang a nih thu a sawi bawk. FLAM Member dangte pawhin lawmthu sawiin inkawmhona hun tha tak an nei a ni.

Speaker Pu Lalrinliana Sailo leh Dy. Speaker Er. Lalrinawma te pawhin Assembly Golden Jubilee lawmnaa FLAM Member te tawiawmnaah lawmthu an sawi a, Golden Jubilee tihlawhtlingtu ber an nih thu an sawi.