Ni li awh tur Mizoram Florists’ Association buatsaih Florist Fair 2015 chu Indian Society on Tobacco & Health (Mizoram Chapter) President Pi Lal Riliani’n Assembly Annexe Building Basement 1 ah a hawng.

Pi Lal Riliani chuan Florists te hmalakna fakin midangte hlimna tur siamtu an ni, a ti a. Khualzin leh Mizoram tlawhtuten Lengpui Airport pangpar mawi takin a lo hmuak thin chu nuam an ti a, Florists member-te’n Mizoram an chawimawinaah lawmthu hrilhin pangpar a tuimiten mahni ke a dinga, nghen chhan remchang an hmuh loh pawha tang zel turin a fuih a ni.

Tun tum hi Mizoram Florists’ Association te’n Florist Fair an buatsaih vawi 38-na a ni a. A hun chhung atan September 15-18, 2015 niin dawr hrang hrang an siamah member-te’n anmahni tharchhuah pangpar chi hrang hrang tiak leh house plants te lei theih turin an phochhuak a ni.

Florist Fair hi kum 1999 atanga bul tanin kum tin member-te pangpar phochhuah nan fair leh show te a remchan dan angin buatsaih thin a ni.