Vawiin  chawhnu dar 1.30 khan FMGE&W hruaitute Mizoram Chief Minister zahawm takin session chawlh chhungin darkar khat zet hmuhna hun remchang a pek  avangin  an lawm hle. Chief Minister hi Pu H. Liansailova, Finance Minister leh Pu Lalmalsawma IAS, Finance Commisioner-ten tawiawmin, FMGE&W  hi President Pu T. Sangkunga hovin mi 20 an tel.

FMGE&W hotute chuan  thil pawimawh zual pali Chief Minister hnenah an thlen a, chungte chu:

1.     D.A. pung chungchang : Sorkar Laipuiin kum 25 zet a kalpui tawh kumtin January leh July ni khat apianga DA tihpun thin chu Mizoram Sorkar hnathawkte hnenah pek ziah thin a ni a, Central Sorkarin a puan atanga thla nga ral hmain Mizoram Sorkarin a pek ve ziah thin chu July 1, 2010-a 10% pung leh January 1, 2011-a 6%  pung, tun thlenga a la pek loh chu pe turin vawi duai lo a ngen a; Cash-a pe lova GPF-a dahsak tura ngen a ni a, a then chauh  pek anih  avangin GPF-ah tal 16% hi  dahsak thuai turin an ngen a ni.

2.     A.C.P. Scheme hmu tawhte tihtawp an nih avang leh, hmu thei tam tak la pek loh te chu khawngaiha pe vek tura ngenna chu Chief Minister-in Cabinet Meeting neih leh huna ngaihtuah tura a tiam vang leh, Cabinet Meeting pawh August 9/10-a neih tura a tih avangin FMGE&W hruaitute an lawm hle.

3.     Mizoram Sorkar hnathawkten 6th Central Pay Rules zawm tura kan ngen, Mizoram Sorkarin an dil ang lova, ‘Mizoram Pay Rules 2010’ tia dah hi FMGE&W ten dik lo tiin,  ‘The 6th Central Pay Revision, extended to the Employees of the Government of Mizoram’ tia dahsak tura vawi tam tak an dil, la chin fel loh hi tihfel sak turin an ngen nawn leh a. Chief Minister chuan  lo ngaihtuahsak a tum thu a hrilh bawk.

4.     Professional Tax chungchang: Sorkar hnathawkten kumtin Professional Tax an pek thin kum khatah a sang ber Rs 2,500/-  chu tuna Taxation Department-in rate thar a siamah Grade IV te Rs . 2,500/- tuk hi a mawi lo va, anni tan hian tihdanglamsak rawtna chu Chief Minister hian lo siam thatsak a tiam a, lawmawm an ti hle.

Chief Minister chuan sorkar hnathawkten phur taka an thawh theihna tura an hlawh tha taka pek chu an duh a ni tih a sawi bawk.

Attachment

  • Loading attachment...