2377/2024-2025
Dated Aizawl the 4th October, 2024 : October, 2024 thla atang hian AMC pawn lamah Ration Card ennawn hna kalpui tur a ni a, hemi chungchang hi dt.30.09.2024 khan Director, Food, Civil Supplies & Consumer Affairs chuan thuchhuah a siam tawh a, Ration Card ennawn kalpui mêkah mipuite thawhpuina an ngen nawn bawk a ni.
Aizawl khawpui chhunga Ration card ennawn report thehluh hun Department lamin an siam chu 27th September, 2024 kha a ni a, 30th September, 2024 thleng khan veng 34 in submit tawhin,veng 49 laiin NFSA report hi Sawrkarah an la thehlût lo a ni. NFSA Committee-te hian an veng theuhah an thlan chhuahte list mitinin awlsam taka an hmuh theihna hmuna târ chhuak tur lehveng chhung Whatsapp group darh zauvahte târ chhuak bawk tura tih an ni a, NFSA hnuaia awm phu dinhmun harsate hmaih annih loh nan Sawrkar chuan theihtawpa chhuah mek zel a ni.
Tun thlenga DCSO Aizawl East leh Aizawl West in an tarlan danin mitthi tawh Ration Card atanga paih tur hi AMC area ah mi 1139 hmuhchhuah tawh niin endik chhoh mêk zel a la a ni. Thlaruk chhunga ration khul ngai lo chhungkaw 6500 vel hmuhchhuah tawh an ni a, heng ho hian ration lak an mamawh lo ni a ngaih an ni. Heng zinga NFSA quota la te aiah hian NFSA mamawhtute dah an ni ang.
Lunglei Municipal Council veng 24 aṭangin mithi tawh mi 1177 te hmuhchhuah tawh an nibawk a, endik chhoh mêk zel a ni.
FCS&CA Department chuan retailer lawmman Mizoram Sawrkarin 1 kg zel a 0.50 a pêk thin chu 1.50 per kg ah a ti sang dawn ta a, hei bakah hian NFSA buhfai bikah pawh retailerte lawmman 1.80 per kg atanga Central leh State Sawrkarin an intum sem (75:25) atanga State Sawrkar in a tum sak 0.45 per kg ni thin chu 1.50 per kg ah tihsan a ni dawn bawk. Chuvangin October, 2024 thla atang chuan bûk dik taka buhfai sem turin retailerte a ngen nawn a, mipuite pawhin kan ration lak chu a bûk a dik ngei em tih lo enfiah ve thin turin a ngen a ni.
Ration Card ennawn hi dik taka kalpui a nih zel theih nan sawi tur leh complain duh neite chuan NFSA chairman, an bialtu DCSO ah te thlen thin turin an chah bawk a ni.
Tarlan tawh angin, October, 2024 thla atang hian Card Var te ration khulna rate chu 30.00 per kg a ni tawh dawn a, hei hian Card Eng leh Card Pawl hmangte a huam dawn lova, Card Pawl hmang ten mipakhata 5 kg a thlawn a an dawn baka 3 kg an lâk belh hi a man ngai 15.00 per kg in an la la zui zel dawn a ni.
