No.5930/2020-2021
1. NFSA Ration Card nei te leh Non-NFSA Ration Card nei, miharsa Task Force-in an thlan chhuah te hnenah LESD&E Department pawisa atangin buhfai a thlawnin April thla khan quintal 13,717.06 sem a ni.
2. Non-NFSA hnuaia miharsa Task Force-in an thlan chhuah te hnenah buhfai a thlawnin May thla khan quintal 10,682.78 FCS&CA Department-in a sem a ni.
3. PMGKAY Scheme hnuaia NFSA Ration Card nei te hnena a thlawn a sem tur thla khat zelah 33,410.75 Quintals (mi pakhat tan thla khatah 5 Kgs. per head) Central Sawrkar atanga hmuh a ni a, hei hi April, 2020 atang khan sem tan a ni tawh a November, 2020 thleng sem tura allocation hi hmuh a ni. Tunah hian August thla quota thleng buhfai hi pek tawh a ni. Central sawrkar atanga allocation thla khat atana Mizoramin a hmuh quintal 33,410.75 hian NFSA Ration Card nei te hnena 5 Kgs. zela pe tur hian buhfai 1,182.05 Quintals zelin thlatin a daih lo a. Hei hi a chhan chu NFSA beneficiaries zat hi kum 2015 ami angin Central sawrkarin an rawn chhut vang leh, tun dinhmunah beneficiaries hi a hma aiin an tam tawh vang a ni. Hemi avang hian PMGKAY hnuaiah thla khatah quintal 34,592.80 sem chhuah mek a ni. State Sawrkar-in buhfai PMGKAY Scheme-a a chawi belh tawh zat chu quintal 5097.80 a ni.
Buhfai sem tur zat a daih lohna hi Mizoram Sawrkarin buhfai a leikhawl sa atanga siam rem thin a ni. PMGKAY Scheme hnuaia buhfai a thlawna sem tur hi allocation April, 2020 - November, 2020 (thla riat) atan hmuh tawh a ni a, allocation hi hmuh tlai hret a nih vangin July thla a sem tur kha August-ah sem hman chauh a ni a, hei vang hian Free Ration hi December, 2020 thleng sem a ni ang.
PMGKAY bakah hian NFSA hnuaia normal allocation hi a pangngaia mipui hnena sem reng a ni.
4. Non-NFSA Ration Card nei te hnenah an ration quota pangngai belh nan buhfai quintal 27,126.20 chu mi pakhat tan 5 Kgs. zelin June, 2020 ah sem a ni.
5. NFSA Ration Card nei te hnenah Dal quintal 1,554.05 chu chhungkaw khat tan 1 Kg. zelin April, May leh June, 2020 ah sem a ni.
6. Atma Nirbhan Bharat Aabhiyan' Scheme hnuaiah Chana quintal 297.5 chu NFSA Ration Card nei te hnenah sem a ni.
7. Central Sawrkar hmalakna in PMUY hnuaiah chhungkaw harsa ten a thlawna thla tin gas cylinder khat zel an lak theihna turin ruahman a ni a. Mizoram-ah PMUY hnuaiah chhungkua 2,82,122 awm in, PMGKAY hnuaiah heng chhungkua te hian booking 57,086 ti tawh in LPG Cylinder 56,943 pek tawh an ni.
