31/2026-2027

Aizawl, the 2^nd April, 2026 : Ministry of Petroleum & Natural Gas (MoPNG) chuan State-tin ten nikhat atana commercial LPG cylinder an pek chhuah theih zat chungchangah thupek chhuahin, tun dinhmuna Mizoram chhunga Commercial cylinder pekchhuah theih zat chu ni khatah bur 60 a ni a.

MoPNG chuan commercial LPG cylinder hmangtu sector hrang hrang te pek dan tur hetiang hian a duang a:

1. Damdawiin leh Zirna in ten an nitin mamawh chu 100% pek theih an ni. Mahse, heng Damdawiin leh Zirna in te hian an nitin mamawh zat chu thla khat chhunga an hman dan a zira chhut tur a ni a, hei hi OMC-in data a pek atanga hmuh theih a ni.

Entirna: Hospital pakhat in geo politics buaina awm hma khan thla khat chhungin bur 30 hmang ta se, thlakhat chhungin nitin bur 1 zel hmang ang an ni. Chuvangin, nitin bur 1 zel pek theih an ni.

2. Service sector dang Hospitality/Industrial canteen/catering sector, etc. te chu thla khat chhunga an hman thin zat atanga 20% nitin pek chhuah theih a ni.

Entirna: Hotel pakhatin thla khat chhungin bur 90 hmang ral ta se, a tlangpuiin nitin a an hman zat chu bur 3 ang a ni. Tichuan bur 3 atanga 20% chu 0.6 niin, bur 1 ang pek theih an ni.

3. Commercial Cylinder chungchanga harsatna awmte chinfel a nih theih nan Directorate of FCS&CA chuan rualkhai takin a semchhuak thin a. Consumer ten an dil ni vekah an lak theih nan, nitina Cylinder diltute list chu DCSO ten Directorate-ah chhun dar 12 hma in an thehlut tur a ni a, dilna format hi duan sa a ni.

4. Tun dinhmunah nitin cylinder 60 aia tam pek chhuah theih a ni lo.

He inkaihhruaina hi Ministry of Petroleum & Natural Gas (MoPNG) in State zawng zawng te hman tura a siam a nih angin mipui te hriatthiamna FCS&CA Department chuan a ngen e.

ISSUED BY FOOD, CIVIL SUPPLIES & CONSUMER AFFAIRS DEPARTMENT GOVERNMENT OF MIZORAM