Vawiin chawhhma khan Ramhlun Indoor Stadium-ah ni hnih awh tur Mizoram chhunga damdawi zuartute tan meeting neih a ni a. Programme hi Health Department hnuaia Food & Drugs Section buatsaih a ni.

Damdawi zuartute chu an mawhphurhna chi hrang hrang hrilhhriatna neih niin damdawi dawr enkawl dan te, damdawi dik tak leh a nih dan tur anga zawrh leh hman dan te sawiho a ni a. Antibiotics Resistance chungchangah zir hona neih a ni bawk. Damdawi zuartute chu an drug licence huam chin chauh zuar tur leh dan anga dik taka hralh thin tura hriattir nawn leh an ni a, dan pawisa lova lo tilui an awm chuan an licence tihtawp sak nghal tur a nih thute hriattir an ni a. Damdawi hman sual lakah pawh mipuite hnena zirtirna lo pek leh venhim chu an mawhphurhna a nih thu hriattir nawn leh an ni bawk.

Food & Drugs Section Joint Director Pu Lalsawma chuan programme hi a kaihruai a. Meeting-ah hian Food & Drugs hotuten thusawina hun an nei bawk a ni.