4324/2023-2024

Dated Aizawl, the 22nd March, 2024: Governor Dr Hari Babu Kambhampati chuan vawiin khan Foundation day of Bihar (Bihar Diwas) chu Durbar Hall, Raj Bhavan-ah khuallian niin a hmanpui.

He hunah hian Governor chuan ‘Bihar Diwas’ hman theih a ni chu lawmawm a tih thu a sawi a. He hun hi Bihar state, Bengal Presidency nen a March 22, 1912-a then hran lawmna anih thu sawiin Bihar chu 1947-a India-in independence a neih hnu pawn Republic of India hnuaia a awm chhunzawm zel thu a sawi. Bihar chu hemi hnuah hian thang nasain, India economy, culture leh politics-ah te a thawh hlawk thu a sawi a. Nalanda University-te, Buddha zirtirna hmun-Bodh Gaya-te awmna anih avangin India ram tan kum tam tak chhung chu sakhuana leh hriatna hmun pawimawh tak anih thu a sawi bawk.

Governor chuan Bihar state-in hmasawnna hrang hrang alo neih tawhte fakawm a tih thu sawiin, an state mipui zawng zawng zaa sawmnga pariat (58%) vel kum 25 hnuai lam an nih avangin an state chuan hmasawn turin theihna tam tak a nei a, thalai ho chu ram hmasawnnan an pawimawh thu a sawi bawk. He hun a lo kal zawng zawngte chu India ramin inpumkhatna leh inhriatthiam tawnna thuk zawk a neih theih nan hnam dang hnam zia leh tih dan zir turin chah a.

He huna lo kal zawng zawng hnenah lawmthu sawiin he programme hian state dang hnam zia leh tih dan phung inhluttawnna a siam ngei a beisei thu a sawi a ni.

Foundation day of Bihar (Bihar Diwas) hi ‘Ek Bharat Shrestha Bharat’ programme, Government of India hmalakna hnuaia neih niin, India rama State leh Union Territory hnam zia(culture) impumkhatna chawisan nan a tih a ni. He programme hnuaiah hian Sawrkar chuan state hrang hrangte chu inhriatthiam tawnna tuh anih theih nan mahni state hnam zia pho lan theihna hun a siaksak thin a ni.

He programme-ah hian Bihar Governor thuchah video leh Bihar Tourism Department video, India ram tana Bihar history leh culture a pawimawhna tarlannate chu chhuah a ni a. Hemi zawh hian Dr.Jay Prakash, Associate Professor, PUC chuan Bihar atanga mi ropui lo chhuak tawhte chungchang a sawi a. Hnam lam chi hrang hrang: Ishupriya, Raj Bhavan Family-te; Lamlian Lehlam, Chhawkhlei Cultural Club-te; Jhijhiya & Chhatpuja, NIT zirlaite leh Cultural lam, MZU zirlaite hnen atang hmuh a ni bawk. Bihar state leh ZMC atanga mi sawm hrang hrangten he hun hi an chhim bawk a ni.