Vawiin khan Agriculture Department Committee Room-ah Mizoram pum huapa buatsaih “State Level Farmers’ Training on Sugarcane Cultivation” chu neih a ni.

He training, Pu H. Lalthanpuia, Joint Director (Macro Management) kaihhruaiah hian Mizoram District tin atangin fu chingtu mi 3(pathum) zel leh Official 1 theuh an lo kal.

He training-ah hian Pu Lalthanzuala, Subject Matter Specialist (Agronomy) chuan hlawk zawka fu chin dan te, fu chi tha te, phun tura buatsaih dan te, fu phun dan chi hrang hrang te leh leitha pek dan chungchang te a zirtir a. Pu C. Lalnithanga, Assistant Plant Protection Officer chuan fu eichhetu rannung chi hrang hrang te, a ven dan te, fu natna chi hrang hrang leh a ven dan te a zirtir bawk a ni.

Tin, he training-ah hian fu chin dan thar “Sustainable Sugarcane Initiative” hmanga fu mit tihchawr pawh a taka entir a ni a, fu chin dan chungchang sawihona hun hman a niin rawtna tha tak tak te training-a kalte hian an siam chhuak nghal bawk.