578/2026-2027

Hnahthial the 15^th May, 2026 : Fur chhunga In sak leh thil dang vanga lei laih leh a kaihhnawih kalpui lo turin Bawrhsap in thuchhuah a siam

NOTICE

Fûrpui kan thleng chho leh dawn ta a; South-West Monsoon hi May thlaah thleng tlangpuiin, September/October thlengin ruah nasa tak a sur chhunzawm thin a ni.

Lo neitute tana malsawmna pawimawh tak a nih laiin, fûr hian harsatna leh channa nasa tak a thlen thin a, Mizoram chhungah ruahsur vanga leimin in chhiatna nasa tak a thlen thin a ni.

Chuvangin, ruahpui lo thleng tur thlir chung leh ruahtui tla in chhiatna a thlen theih laka inbuatsaihna tha tak kan neih theih nan,

Disaster Management Act, 2005 Section 34(m) hnuaiah hetiang hian thupek hi ka tichhuak a ni -

Hnahthial Town chhungah hian In sakna tur emaw, thil dang emaw atana lei laih leh a kaihhnawih engmah kalpui tur a ni lo. Lei laih leh a kaihhnawih mamawhna pawimawh/tul tak a awm a nih chuan thuneitute hnen atangin phalna lak hmasak phawt tur a ni.

He thupek hi vawiin May ni 15, 2026 atang hian hman nghal tur a ni a, thla thum chhung hman phawt a ni ang. He thupek bawhchhia chu Section 51-a tarlan angin kum khat chhung Lung In a tan tir emaw, pawisa chawitir emaw, a pahnihin emaw a hremna pek a ni ang.

Sd/-

K. VANLALRUATI

Deputy Commissioner & Chairman

District Disaster Management Authority

Hnahthial District, Hnahthial