Vawiin khan GAD Commissioner leh Secretary ni bawk Pu Lalrinliana Fanai , IAS chuan NEEPCO ina Turial Hydel Project an sak mek leh Power & Electricity Department ina an enkawl Serlui B Hydel Project te chu a tlawh a. Kolasib DC Pu H. Lalengmawia, IAS leh Addl DC Pu R. Lalremsanga ten Commissioner hi an tawiawm a ni.

Pu Lalrinliana Fanai leh he hmunah NEEPCO hotute hian inkawmna hun an nei a, he hunah hian NEEPCO hotute chuan DC Office Kolasib lam atangin tawiawmna a hmuh that thu leh harsatna an neih thin te chu Kolasib DC in rang takin, a theih chinah a chinfel sak thin avangin lawmthu an sawi a. Mizoram Sawrkar atangin kawng engkima support an hmuh that avangin lawmthu an sawi bawk. Serlui B Hydel Project-a Fisheries Department in Cage culture hmanga sangha khawi an buaipui chu tha a tih thu sawiin hei hian nakin zelah sangha lamah state kan intodelhna kawnga rah tha a chhuah theih thu a sawi bawk a ni.