Vawiin khan General Administration Department (GAD) Commissioner leh Secretary ni bawk Pu Lalrinliana Fanai, IAS chuan Kolasib DC Office a tlawh a, Kolasib DC Pu H. Lalengmawia, IAS leh DC Office-a officer dangte nen inkawm hona hun an nei a. He hunah hian GAD kaihhnawih thil pawimawh hrang hrang an sawiho a ni.

Pu Lalrinliana Fanai chuan Aaadhar thlen tawh chin leh Cable TV digitization chungchangah District dinhmun te a zawt a. Kolasib District chu Aaadhar enrolment ah za zelah 71.57 a ni chu hemi chungchangah District ti tha pawl nia a hriat thu a sawi lang a. Aaadhar enrolment leh NPR updation a tan la thar turin officer te a fuih a. Cable TV Digitization chungchang chu Parliament dan pass anih avangin kan duhdan in kan her rem thei lova tiin tih turah min tuk chu kan tih ngei a ngai a, Mizoram khawpui area chu Phase III a kan awm angin December ni 31, 2015 ral hmain hengte tihfel a ngai dawn a ni a ti a. Bairabi leh Thingdawl chu Urban Areas an nih angin Digitization chu kalpui a tul dawn a ni, a ti bawk.