Mizoram sorkara General Administration Department chuan ni 20.5.2019 (Thawhtanni) khan Notification chhuahin sorkar buatsaih/huaihawt meeting, conference leh punkhawmna zawng zawngah plastic bottled/packaged drinking water dah/hman khap a ni. He Notification hi May ni 6, 2019-a neih Secretaries’ Meeting thurel bawhzuia siam niin Chief Minister pawmpuina nen chhuah a ni.

Plastic bottled/packaged drinking water hi a chuan hnem thin avangin senso a tih tam bakah plastic tam lutuk hian environment atan pawi a thlen theih avangin Mizoram sorkar chuan sorkar thiltihna reng rengah plastic bottle tui hi a khap a, a aiah tui um (water dispenser) leh no (glass) chhawp mai thin nise tiin sorkar hnathawkte chu he Notification hmangin a hriattir nghal vek an ni.