Gangte Welfare Society, Aizawl chuan vawiin tlai khan Chief Minister Pu Lal Thanhawla chu a chenna bungalowah hmuin, Mizoram Legislative Assembly Session neih zawh takah legislation passed a Gangte hnam chu Mizo hnam zinga chhiar tel a ni ve ta chu Chief Minister hnenah lawmthu an hrilh a. An lawmthu sawi lantir nan Gangte te tih dan phungin Chief Minister hnenah hian puandum an hlan a ni.

Gangte Welfare Society member 5 te hi Pu Henry Lala Gangte in a hova, an zingah hian Manipur Group YMA President Pu C.V.Duhawma pawh a tel a ni. Manipur YMA in ni 11.4.2011 a Chief Minister hnena lehkha an thawnah Mizoram Lists of Scheduled Tribes siam tha tura Mizoram sorkara an  lo  thlen tawh thin chu 6th Legislative Assembly of Mizoram seventh session in ni 24.3.2011 a lungrual taka Gangte hnam chu Mizo hnam zinga chhiar tel ve remtih a ni chu Chief Minister leh a kaihhruai Ministry chungah thinlung takin lawmthu an sawi tih an tarlang a. Mizo tawng zir nan Vocation School buatsaih sak an nih thu te an tarlang bawk a ni.

Attachment

  • Loading attachment...