Food Civil Supplies & Consumer Affairs Department chuan gas harsatna chungchang ah a hnuai ami ang hian thuchhuah an siam.
Tun laiin Mizoram in LPG ah harsatna kan tawh mek a. Mizoram chhunga thla khata Gas kan mamawh tawk vel a ngaih 1600 MT or 112676 cylinders hi Mualkhang Bottling Plant leh Silchar Bottling Plant atanga hmuh thin a ni a, mahse October 2011 atang khan Mualkhang leh Silchar Bottling plant chawmtu Guwahati Refinery ah Technical Problem ni 17.10.2011 atanga first week of November 2011 thleng an neih avangin leh Bongaigaon Refinery ah Technical Problem ni 1.10.2011 atanga 14.10.2011 thleng an neih avangin Mizoram a Gas supply a tlem phah tan ta a ni.
IOC hotute hnenah December thla hi kan hunpui a nih angin a tam thei ang ber Mizoramah LPG thawn tura ngen reng a ni a, amaherawh chu Gas phur Drivers Union ten ni 5, 12, 13 December, 2011 ah strike an huaihawt avangin Mizoram ah gas harsatna min thlen phah a. Hei bakah hian Meghalaya ram chhung kawng that loh avangin a hlawm a Gas phurtu truck duh angin an rawn thleng rang thei lova, hei hian nasa takin Mizoram chhunga Gas supply a tih buai phah bawk a ni. Hei bakah hian NH 39 Manipur state chhunga kal Economic blockade hun rei tak an neih avangin motor reng reng NH 44 ah kal tir vek a ni a. Hei hian Mualkhang leh Silchar Bottling Plant a dah tur a hlawm a Gas phur truck nasa takin a ti khawtlai a, hei vang hian Mizoram ah Gas ah harsatna kan tawh phah bawk a ni. Hemi bakah hian ni 26.12.2011 atanga ni 7.1.2012 thleng khan Guwahati Refinery ah kangmei a chhuah avangin load pek chhuah theih a ni lova, ni 16 - 17.1.2012 ah gas a hlawm a phurtuten strike an neih leh vangin Guwahati Refinery atangin load a pek chhuah leh theih lova. Heng te avang hian Mizoram ah Gas a harsat phah ta a ni. Gas harsat thu hi Minister, FCS & CA Pu H. Rohluna’n Secretary Ministry of Petroleum & Natural Gas, New Delhi hnenah pawh lehkha thawnin a tam thei ang ber Gas Mizoram a rawn thawn turin a hrilh a.
Hemi denchhen hian kan harsatna te sutkian tumin IOC lam pawhin hma an la mek a Silchar Bottling Plant atangin tam zawk Gas supply tum mek a ni, Mualkhang Bottling Plant ah pawh an hna thawh dar kar te pawh sei sakin holiday ah pawh hna an thawhtir mek a ni.
February ni 10 atanga Gas supply hi tha tawk tura beisei a nih laiin Bottling Plant ten bulk supply an hmuh that theih loh avangin Mizorama rawn thawn luh tur pawh beisei angin a tam thei lova. New Delhi leh Guwahati lama IOC hotute pawh Gas supply tichak tura ngen reng an ni chungin beisei ang chu a la ni thei lo a ni. Hun reilote hnunah chuan a that beisei a ni.
