Vawiin khan Pu H. Rohluna, FCS & CA Minister hovin a office chamber-ah tunlaia Gas harsatna chungchang ah Supply Department leh Legal Metrology leh LPG Distributors ten meeting neih a ni a. Gas harsat chhan hi nikum kum tawp lama Guwahati Oil Refinery a kangmei chhuah vang leh tun thlaa Gas lama thawkte strike vang a ni a. Tunah chuan Guwahati Refinery hian Gas a pe chhuak leh thei tawh a, Gas supply hi February 10 vel atang chuan a pangngai leh thei tura beisei a ni.

Minister hova meeting-ah hian Gas hralh ruk leh tih chingpente dapchhuak a, a tam thei ang ber phur chhuak tura tanlak dan tur sawiho a ni a. Borkhola Bottling Plant, Silchar-a harsatna hrechiang turin 2.2.2012 hian Joint Director, Food, Civil Supplies & Consumer Affairs kal tura tih a ni bawk.

Gas hi Mizoram-ah chauh a harsa a ni lova, Cachar District ah te, Manipur ah te pawh a harsa em em a ni.