Vawiin chawhnu dar 2:30 khan Gauhati High Court, Aizawl Bench chuan an kum 25 tlin lawmna, kum khat chhung awh tur 'Silver Jubilee Year Celebrations of the Aizawl Bench, Gauhati High Court' hawnna hun chu High Court Campus, New Secretariat Complex-ah an hmang.  He hun hi Gauhati High Court Judge, Justice Mr. L.S.Jamir, Mizoram Bar Association President Pu LH Lianhrima, Addl.Advocate General, Mizoram Pu Aldrin Lallawmzuala leh mi pawimawh dangte’n hemi denchhen hian thing an phun a ni.

Pu Thang Lianmang Guite, Registrar, Gauhati High Court kaihhruai programme tawite buatsaihah hian Justice L.S.Jamir chuan fuihna thu sawiin Gauhati High Court, Aizawl Bench chuan hma a sawn zel theih nana tan la thar turin thawktute a sawm a ni.

Gauhati High Court.Aizawl Bench hi July ni 5,1990 khan Justice Sabyasachi Mukherji, Chief Justice of India-in a hawng a. Khatihlaia Mizoram Governor Pu Swaraj Kaushal,  Justice Mr.A.Ranghuvir, Chief Justice, Gauhati High Court te leh Pu Lal Thanhawla,Chief Minister Mizoram leh Dr.H.Thansanga, Law Minister, Mizoram ten an hmanpui a ni. Gauhati High Court, Aizawl Bench hawnna hmun hi Govt.Luangmual Complex-ah a ni a. Khatihlaia Office leh Court Room, Judge Bungalow te chu tun thleng hian an la luah a. Tunah hian New Secretariat Complex-ah Mizoram sawrkarin hmun tha tak a pe a, building awmsa thiatin a thar sakna tur sawrkarin a buaipui mek a ni.

Gauhati High Court Campus, New Secretariat Complex-ah hian kum tin thingphun hnatlang an nei thin a. Kuminah pawh hian Officer leh Staff-te'n thing engemawzat an phun belh leh tawh a ni.