Aizawl nitin chanchinbu Zoram Times September 1 chhuaka 'Minister hnenah File tang rei' tih thupui hmanga thu chhuakah khan thil hriat sual palh a awm a, thu dik tak zawk chu a hnuaia mi ang hi a ni.

PRISM, SOSA LEH FOMTU ten GAWSS Phase II CBI chhui tir an duhna lehkha PHE Minister hnena an thehluh  Minister-in 14.1.2010 a a hmuh ni la la hian a tul anga hmala turin Principal Secretary, PHE ah a kal tir nghal a. Department lam hotute chuan a tul angin hma an la nghal a. Chief Minister leh Chief Secretary  ten uluk taka an ngaihtuah hnuah Court Case kal mek (GAWSS Contractor Johnson Eastern Power in ban a nih avanga Court a a khinna) a nih avang leh Department in hna a thawh mek tih thuanawp anih mai lohna turin ngaihtuah that leh atan (keep on hold) a dah mek a ni. PRISM lam hian an lehkha thehluh chu an chhui zui a, action lak tawh anih thu hrilhin Minister initial laka vawn that anih dan pawh hrilhfiah zui nghal a ni a. Thil kalhmang leh a dinhmun in hrilhhriat tawh hnua thu belhchian dawllo chanchinbua lo lang hi thil pawi tak a ni.