No.4574/2020-2021

Dated Aizawl, the 29th August,2020: State Election Commission chuan dt. 5.08.2020 a Village council inthlanpui neih ni tura ruat 27.08.2020 ah heng District - Aizawl, Lunglei, Serchhip, Champhai, Mamit, Kolasib, Saitual, Khawzawl leh Hnahthial ah te August ni 27, 2020 khan inthlanna neih a ni.

Village Council Constituency zawngzawng : 558
Village Councils Inthlan hun sawn na VillageCouncilte : 8
Village Councils Chuhtu awm lova tlinna Village Council tlingte : 12
Village councils Inthlanna VillageCouncilzat : 538
Village Councils Inthlanna Village Council aSeatzat : 2418
GeneralSeats : 1795
ReservedSeats : 623
TotalVoters : 445336
MaleVoters : 220306
FemaleVoters : 225030

Voter Turnout:
Vote thlakzawngzawng : 337674
MipaVoters : 167708
HmeichheVoters : 169966
Za zel a Votetlazat : 75.82 % (67.42 % -2015)

Political Party Seat lak dan:

Political Party, Independent, etc., te Village Council lak zat:

Kum 2020 Village council inthlanpui neih ah hian District thar pathum te hian a vawikhatna atan Village Council General Election an hmachhawn nghal a, harsatna thleng lovin inthlanna tluang taka neih vek a ni.

1.AIZAWL DISTRICT : Aizawl District ah hian Village Council 69 a awm a, Village Councils 8 te chu hripui COVID-19 leng mek avanga hripui inkai darh hlauhawm tak dinhmunah an awm avanga Sorkar in Containment Area-a puan, Inkharkhip/Lockdown, Contact Tracing leh test result nghah mek anih avangin an inthlan hun sawn sak an ni a. State Election Commission, Mizoram chuan heng khua te dinhmun thlir chung leh Health & Family Welfare Department rawn chungin inthlan hun tur ruahmanna thar a siam ang a, Inthlan hun tur ruat sak an ni ang. Inthlan hun sawn sak khua techu:

1) DarlawnChhimVeng,
2) DarlawnVenghlun,
3) DarlawnVengpui,
4) Sawleng,
5) Melriat,
6) Hualngohmun,
7) Kelsihleh
8) Muallungthu

Heng khaw 8 (pariat) tih lovah chuan inthlanna tluang taka neih a ni.

2. LUNGLEI DISTRICT : Lunglei District huam chhunga Village Council 113 awmah Kawlhawk leh Sumasumi ah te hian (Reserved Seat-ah) chuhpuitu awmlovin MNF Candidate-te tlinga puan niin, Sethlun ah MNF leh Thehlep ah INC te chuhpuitu awmlo a thlan tlin an ni a. Village Council 111 atan inthlanna hi buatsaih ani.

3. SERCHHIP DISTRICT : Serchhip District ah hian Village Councils 54 awmin General Seat 178 leh Reserved Seat 62 a awm a, Seat 240 hnawhkhahnaa atan inthlanna tluang taka neih a ni bawk.

4. CHAMPHAI DISTRICT : Champhai District ah hian Village Council 62 a awm a, khaw 2 (pahnih) Ruantlang Mualveng leh New Hruaikawn ah te hian chuhpuitu awm lovin Mizo National Front candidate te tlingah puan an nih bakah Vangchhia Village Council-a Reserved seat pawh chuhpuitu awm lovin Mizo National Front chu tlinga puan a ni bawk a, Village Council 60 ah inthlanna hi neihani.

5. MAMIT DISTRICT : Mamit District ah hian Village Council 90 a awm a. General seat 299 leh Reserved Seat 95 hnawhkhahna atan inthlanna buatsaih a ni a. Bekabeky (Lianbuang) Chhippui-II, Hruiduk, Phuldungsei Zampui leh Serhmun West-ah te hian chuhpuitu awm lovin Mizo National Front te tlingah puan an nih avangin Village Council 85 ah inthlanna neih ani.

6. KOLASIB DISTRICT: Kolasib District ah hian Village Councils 56 awmin General Seat 208 leh Reserved Seat 70 hnawhkhahna atan inthlanna hi buatsaih ani.

7. SAITUAL DISTRICT : Saitual District hi District thar niin Village Councils 44 a awm a, General Seats 143 leh Reserved Seats 45 awm ah Lenchim Village Council chu chuhtu awm lova thlan tlin a ni a, Village council 43 ah inthlanna tluang taka neih ani.

8. KHAWZAWL DISTRICT: Khawzawl District hi District thar niin Village council 38 ah inthlanna neih a ni a, General Seat ah 114 awm in Reserved Seat ah 42 hnawhkhahna atan inthlanna neih a ni a, Tualte ah hian Reserve Seat ah INC chuhtu awm lovin thlan tlin ani.

9. HNAHTHIAL DISTRICT : Hnahthial District hi District thar niin Village Council 32 a awm a, General Seat 98 leh Reserved Seat 34 hnawhkhahna atan inthlannna buatsaih a ni a, hetih rual hian Hnahthial S-III leh New Kawnpui ah te MNF candidate te chuhtu awm lova thlan tlin an nih avangin Village Council 30 ah inthlanna buatsaih ani.

Village Councils inthlanpui vawi sawmhnihna atana mawhphurtu ber District tin a Deputy Commissioner & District Election Officer-te, Superintendent of Police-te, Observer-te, Assistant District Election Officer-te, Sector Officer-te, Returning Officer-te, Assistant Returning Officer-te, Presiding Officer-te, Polling Officer-te, Booth/Village Level Officer-te, Police force-te inpekna avangin inthlanna tluang tak zawh fel a lo ni a, State Election Commission chuan an chungah lawmthu a sawi a ni.

COVID-19 laka kan him theihna tura sulsutu, Health & Family Welfare Department in Election Duty te leh mipui himna tur a Commission in a mamawh apiang tihsakin thurawn tha tak tak a pe a, a bik tak a vote thlak ni a Medical Duty tur te a siam bawk a. State Election Commission chuan a ngai hlu hle a ni.

Inthlan chungchanga mipuite leh political party te candidate te hriattur pawimawh State Election Commission in a tih chhuah,thu thar, rang taka min puanchhuahsak thin tu Information & Public Relations Department a thawk zawng zawng te leh Media te hnenah State Election Commission chuan lawmthu a sawi bawk ani.

Hetih rual hian, COVID-19 hripui leng karah Village Council hun a tawp dawn avangin inthlanna buatsaih a tul a, State Election Commission chuan Central Young Mizo Association (CYMA) leh Mizoram Peoples’ Forum (MPF)-te sawm in Mizoram Sorkar in Standard Operating Procedure (SOP) a siam te, State Election Commission leh District Election Officer in kaihhruaina a siam te ti hlawhtling tura thawhpui ah a sawm a. Mipui te him na tur pawimawh zia hre rengin an tha leh zung, an hun hlu tak sengin Local/Village Level Task Force te nen thawk hovin ruahmanna fel tak siamin veng tin ah inthlan an buaipui a, mipui pawhin heng ruahmanna te hi kan zawm tha hle niin a lang a, inthlanna felfai tak a awm theih avangin State Election Commission, Mizoram chuan an chungah lawmthu a sawi tak meuh meuh ani.

State Election Commission, Mizoram chuan Village Council member thlan thar zawng zawng te lawmpuina a hlan a, hripui leng kara Democracy innghahna pawimawh tak Village Councils General Election ti hlawhtling tura District hrang hrang a mipui vote thlak tu zawng zawng te chungah lawmthu a sawi bawk a ni.