2468/2023-2024

Dated Serchhip, the 24^th October, 2023: Vawiin khan District Election Officer Pu David Lalthantluanga, Serchhip DC kaihhruaina hnuaiah Serchhip District chhung constituency pathuma candidate agent te ko khawmin Serchhip DC meeting hall-ah training neih a ni a, hriatthiam loh lai inhrilhfiahna leh Election Commission in zawm ngei ngei tura dan a siam hrang hrang te inhrilh nawn a ni. He hun pawimawh tak hi General Observer Pu V.Sampath, IAS chuan a hmanpui a ni.

Pu V.Sampath chuan Political Party leh Independent candidate aiawh lo kal zawng zawng te chu inthlanna fel fai, thianghlim leh huapzo a awm theih nan thawhhopuiah a sawm a. Chan tha bik leh duhsak bik awmlo a intluktlanga candidate tin ten he election hi an hmachhawn theihna turin Election Commission of India chuan Mizoram pawn atangin officer te Observer turin a tir thin a ni, a ti. Kalkhawm te chu  hriatthiam loh leh zawhna an neih apiang ama hnenah zawhfiah theih a nih thu leh Serchhip Election Office a thawk tu te pawh englai pawha an zawhfiah reng theih thu   Pu V.Sampath chuan kalkhawmte a hrilh bawk.

Vawiin hian 28-Hrangturzo RO Pu Lalnundika leh 27-Tuikum RO Pu HD Lalpekmawia te chuan Model Code of Conduct leh expenditure vawn dan tur chungchang an sawifiah a. 26-Serchhip ARO Pi Rebecca Laldinmawii Hrahsel chuan inthlan kaihhnawiha candidate te leh an agent ten an hriattur pawimawh langsar zual a sawifiah a. Media Certification and Monitoring Committee Member Secretary Pi Lalnunmawii chuan pamphlet, banner, flag tar phalna dil dan leh electronic media kaltlanga political advertisement tih chhuah phalna dil dan a sawifiah a ni.

Vawiin meeting ah hian Serchhip District chhunga Assembly Constituency tina candidate agent te an tel kim hle a. Election Officer Pu Lalrinsanga Hnamte chuan lawmthu sawina hun a hmang a, meeting hi tihawp a ni.