Vawiin tlai dar 5:30 khan Election Commission of India chuan Mizoram State Election 2013 vil tura lo kal, District 8 awp mek, General Observers zawng zawngte chu video-conferencing kaltlangin an kawm a, inthlan hmachhawn turin Mizoram inbuatsaih dan chungchang chipchiar takin an zawt a, inthlanna tluang taka neih theih nan Hmalakna hrang hrang an sawiho a ni.

Lunglei District atana General Observers - Pu Dipender Singh, IAS; Pu Julius Lakra, IAS; Pu P.K. Verma, IFS; Pu Vevekanand Jha, IFS; Pu Debi Prasad, IAS leh Pu B.D.Parkhe, IFS - te bakah Addl. DC/RO Dr.Andrew H.Vanlaldika leh RO Pu Donny Lalruatsanga ten General Observers te an tawiawm a ni. Lunglei District-a General Observers te chuan inthlanna atana inpuahchahna chu a that tawk thu leh polling station hrang hrangah te pawh harsatna an nei ang apiang chu rang taka sutkian sak zel an nih thu ECI an lo hrilh a ni.