Nimin Dt 15th November 2013 hian MLA General Election lo awm tura Mamit District Constituency pathum atana ruat General Observers te, Dr Kamal Preet Singh, IAS 1- Hachhek(ST)A/C, Mr Umesh Kumar Singh IAS, 2- Dampa A/C leh Mr B. Nijalingappa IFS, 3- Mamit (ST) A/C te chuan DC’s Conference Hall, Mamit-ah Micro-observers te training an neihpui a, Constituency pathum a Micro-Observers tura ruatte an tel kim a ni.

General Observers pathum te hian nimin vek khan Chhim Veng YMA Hall, Mamit-a buatsaih Presiding Officers leh Asst. Presiding Officers te tana training buatsaih hmanpuiin mawhphurhna leh harsatna an neihte zawhna leh chhanna hun hman a ni bawk.

General Observers pathum te hian nimin khan Teirei Forest an tlawh a, zan riakin vawiin-ah an bial chhung hmun hrang hranga inthlanna hmun tura ruat Polling Station te an tlawh dawn a ni.