Lirnghing na tak thlen theihna hmun Mizoram rawn zirchiang tura cham mek, GeoHazards Society, New Delhi leh GeoHazards International Team chuan tukin khan Chief Minister Pu Lal Thanhawla chu a chenna bungalowah hmuin inkawmna hun tha tak an hmang.

GeoHazards team hian Aizawl hi engtianga himin nge lirnghing lakah kan inven theih anga, chhawmdawlna hna kan kalpui theih ang tih zirchiang turin Mizoram sorkar nen thawhdunna thuthlung ziakin lirnghing leh leimin chungchangah thurawn an pe thin dawn a, tunah hian thla engemawzah a rei hna an thawk mek tawh a ni. Mipui tena kan hriat tur tul an tih pawimawh zualte chu, mahni awmna leilung awmdan hriatchiante, leimin theihna hmun hriatchiante, tui luankawr mumal taka siam te, kopang laih danah te, building regulations zawm ngeite, leilung him lova hriatah te in sak phal loh te leh hmasawnna hna kan kalpuite thlirlet thin te an ni.

Chief Minister chuan Mizoram chu lirnghing hlauhawm ber thlen theihna a nih avanga alo thlen thulha lo hmachhawn dan leh inven dan awm thei ang angte zira, mipuite hnenah hriattirna tam tawk puan chhuah fo tul atihthu alo auchhuahpui thin thu GeoHazards teamte hi a hrilh bawk a ni.

GeoHazards Society leh GeoHazards International a mithiamte hi an vaiin mi 12 an ni a, tukin chuan mi 6 in Chief Minister hi an kawm a ni. Team memberte chu :-

1)  Kevin Clahan (Engineering geology), Principal Engineering Geologist, Lettis Consultants International, Inc. California.

2) William Holmes (Structural Engineering), Senior Consultant, Rutherford andChekene,California.

3)  LarryMintler ( LandUse Planning), Principal, Mintler Harnish,California.

4)  Dr. Janise Rodgers (Structural Engineering), Chief Operating Officer, GHI,California.

5)  Dr. Leonardo Seeber (Structural Geology), Lamont Research Profesor, Lamont-Doherty Earth Observatory, Columbia University,New York.

6)  L. Thomas Tobin (Public Policy and Geotechnical Engineering), Senior Advisor, GHI,California.

7)   Dr. Brian Tucker (Seismology), President, GHI, California.

8)    Dr. Ajay Katuri (Architechure and Land Use Planning), Assistant Professor,CEPTUniversity, Ahmedabad.

9)    Dr. Vineet Gahalaut (Geophysics) Principal Scientist, Natiomal Geophysical Research Institute,Hyderabad.

10) Dr. Pradeep K Ramancharla (Structural Engineering), Professor, International Institute of Information Technology, Hyderabad.

11) Lalrinpuii Tlau (Disaster Management), Mitigation Officer, GHI, Aizawl.

12) Hari Kumar (Civil Engineering), Regional Coordinator, GeoHazards Society,new Delhi.

 GeoHazards International Team te hi Pu PC Lawmsanga, Principal Secretary, DM&R chuan a ho a ni.

                                                                        ,                                                                                  

                                                     ,                              ,