498/2024-2025

Aizawl, the 16th May, 2024:  Vawiin khan kum upate enkawl inzirtirna thla 3 awh Short term course of Geriatric Caregiving Training chu Ripans Conference Hall-ah kharna hun hman a ni.

Geriatric caregivers (kum upa enkawltute) training hi Ministry of Social Justice & Empowerment hnuaia Scheme Atal Vayo Abhyuday Yojana (AVYAY) Scheme atanga hman a ni. Department of Social welfare and Tribal Affairs hi Nodal agency niin, Ripans hi training centre an ni. 

He short term course hi thla 3 chhung neih a ni a. Thla 2 chhung Theory class neihpuiin, thla 1 chhung on the job training an nei a, hospital leh Geriatric home-ah te an duty kual thin a ni. He course atan hian National Institute of Social Defence (NISD), Ministry of Social Justice and Empowerment, Government of India siam standard guidelines anga kalpui ani. 

He training kharna hun hi Pi Laldinpuii Sailo, Course Coordinator kaihhruaina hnuaia hman a ni. Dr. Lalhriatzuali Ralte, IAS, Director, Social Welfare & Tribal Affairs, Govt of Mizoram chu khual lian a ni a, certificate semna nei nghalin he training kharna hun hi a hmanpui a ni. Dr. Lalhriatzuali chuan zirlaite fuihna thuchah sawiin, an thiamnate chhungkua, khawtlang mai bakah ram tana hmang turin a fuih a, hei hi Ministry of Social Justice & Empowerment leh Mizoram sorkar pawhin a tum a nih thu a sawi. Sum dah lal ber lo a, an thiamnate mahni hlawkna atan chauha hmang lo a, Pathian rawngbawlna anga ngai chunga kum upate enkawl nana an thiamna neihte hmang turin a fuih bawk a ni. RIPANS hian facilities changtlung tak neiin, a thawk te pawn he training pe tur hian thiamna an neih avangin he training buaipui tura an ṭang thei hi a lawmzia a sawi bawk. He training course hi 2nd batch, July thlaa țan turin an inbuatsaih mek a ni.