Dt. 26.04.2012 (tlai dar 6) khan Rainer Schmiedchen, Consul General of the Federal Republic of Germany (Kolkata) chuan Aizawl Press Club rawn tlawhin MJA hruaitute nen thingpui inho paha inkawmhona an nei. German Consul General hian Mizoram chu zin mite tan hmun duhthusam a ni a, amaherawhchu infrastructure lamah tan lak a ngaih thu a sawi. Consul General hian Mizoram atanga zirlai German University a zir duh te pawh Visa chungchangah theih tawp alo chhuahpui tur thu a sawi bawk.

Mizoram hun pawimawh a rawn tel a châk thu sawiin, MJA member, thiamna bik (specialization) nei te tan German lama zin chhuahna hun siam ngei a tum thu a sawiin hemi kawngah hian harsatna awmtheiah pawh theihtawp chhuah a, hmalak a inhuam thu a sawi .

Pu C. Lalrambuatsaiha, MJA President chuan lawmna thusawi pahin Consul General hnenah hian German Offset Pringting Machine tha te, Mizoram lama kan hman ve theih dan tur te ngaihtuahsak turin a ngen a, hei hi ngai pawimawhin theihtawp chhuah a tum thu a sawi a, Mizoram leh German mipuite hi Kristian ah pawh Protestant tamna ber kan nih avangin tun aia kawng hrang hrang a infiamna, cultural leh a dang dangah thawhhona tha zawk kan neih theihna turin hmala turin a ngen a, Consul General hian inkungkaihna tha zawk a awm theina tura hma lak a tum thu sawiin Mizoram chu a vawikhat lokalna mah nise, nuam a tih thu leh Mizo mipuite an hawihawmin boruak anuamin, hlimthei tak Mizote an nih thu remna leh muanna chuan boruak a tinuam lehzual ani tiin Vengtu (Security ) pek an tum pawh ngai a tihloh thu a sawi.