Vawiin hi Global IDD Day, khawvel pum huap a Iodine tlakchham vanga rilru leh taksa piansualna hrang hrang awm theite tibo tura beihpui thlakna ni, a ni a. He ni denchhen hian Aizawlah pawh Govt. Mizo High School naupangte zingah hman niin, Dr. K. Ropari, Director of Health Services chu khuallian a ni a. Dr. Chawngthansiami, State Programme Officer, NIDDCP chuan Iodine tlakchham khaihhnawih leh Iodine chungchang zirhona neihpuiin, Dr. Rebecca Lalngaihzuali, Technical Officer chuan quiz competition a huaihawt bawk a ni.

Mizoram district dangah pawh he ni hi tangkai taka hman a nih theih nan ruahmanna hrang hrang siam a ni a. Mipuite hnenah Iodine tlakchham avanga natna awm theite leh Iodine chi (salt) ei pawimawhzia te inhrilh hriatna hun atana hman a ni.

Awrpuar (Iodine tlakchham vanga natna pakhat) awmzat survey Mizorama neih hmasak ber kum 1978-ah 69% chu awrpuar an ni a, survey neih hnunung ber kum 2013-ah chuan 6.28%-ah a tla hniam tawh a ni.