Khawvel pumah hian mithiamten an chhut danin tunah hian Sakei (Tiger) hi 4000 vel chauh an awm tawh a. Ram pakhata lak chuan India hian Sakei hi a la ngah ber a, 1706 vel awm ni a chhut a ni. Mizoramah pawh hian 4 aia tlemlo a la awm ngei a ni tih DNA analysis in hmuhchhuah a ni tawh a. Tun dinhmunah chuan khawvel puma Sakei chenna (habitat) 93% hi khawpui leh Agriculture atan nuai chimih sak a ni tawh a. Hetiang hmun zim takah hian Sakei inthlah pung turin leh intungnung chho zel tur chuan beisei a bo viau a ni. Mihring leh Sakei hi hmun (habitat) mamawhna avangin a rukin kan hriat lohvin nitin kan inbei rengin a lang, ramngaw a lo chereu hian heng Sakei te hian hmun an neihloh bakah an eitur ramsa te pawh a lo tlem tial tial a. Tichuan mihring ran vulh ah te an tuan ta thin a. Mihringin thungrulin Sakei tam tak an lo philin an lo that tawh a. Chung Sakei ruang te chu engmah a bo a bang awm lovin sumdawnnan hman chhoh zel a ni a. Sik leh sa inthlak danglamna avangin India leh Bangladesh inkar Sundarbans, Sakei tamna hmunah pawh Sakei te hi an chep chho tial tial a ni.

Heng Sakei tlemte kan neih chhun te an mang loh nan leh humhalh zel tur chuan an chaw tur (prey) leh an chenna humhalh hi kan tih makmawh a ni a, hemi ti tur hian he ‘Global Tiger Day’ (dated. 29th July, 2013) denchhen hian mipuite Environment & Forest Department chuan a ngen thar leh a ni.