No.1577/2020-2021

Dated Champhai, the 2nd June, 2020: Sawrkar ruahmanna kaltlanga Champhai district mi leh sa, Covid-19 hripui leng mek avanga Goa State-a tangkhang rawn hawte chuan tukin dar 6:40 khan Champhaia anmahni lo dawnsawnna hmun tura ruat Vanlallawma Indoor Stadium (VANIS), Kahrawt tluang takin an lo thleng a. Bawrhsap Pu Mark Lalthanliana, SP Pu Rex Zarzoliana, SDO Sadar Pu Lalnunfela Chawngthu, Addl SP Pu C.Lalengliana, Official dang, Medical Team leh Security Personnel-te chuan Bus 4 hmanga rawn haw mi 65 te hi an lo buaipui a ni.

Goa atanga lo hawte hi VANIS Rest Room-a ei leh inte pek an nih hnuah Bus tina chuangte chu a tahtawl zelin Medical Screening Team 2 leh Rapid Test (RAT) Team 2 te’n an enfiah zela, an vai hian Rapid Test (RAT) an non-reactive vek a ni. Tul dangte buaipui anih hnuah awm khawmuang lovin sawrkar dana Ni 14 chhung inkhunghrang turin an awmna tura ruat Community Quarantine Centre 2, PCI Venglai Kohhran Hall leh PCI Electric Veng Kohhran Hall-ah te khunghran nghal an ni.

Tukina Champhai district mi leh sa Goa atanga lo hawte hi Mipa 15 leh Hmeichhia 50 an ni a. Hmeichhia 43 te hi PCI Venglai Kohhran Hall Community Quarantine Centre-ah khunghran an an ni a. Mipa 15 leh Hmeichhia 7 te PCI Electric Veng Kohhran Hall Community Quarantine Centre-ah khunghran an ni. Bawrhsap Pu Mark Lalthanlian chuan tukin vek khan Community Quarantine Centre pahnih, PCI Venglai Kohhran Hall leh PCI Electric Veng Kohhran Hall te chu tlawhin a enfiah nghal bawk a ni.