Vawiin dar 10:00 khan Chief Secretary Pu Van Hela Pachuau hovin CS Conference Room-ah Government of India- United Nations Development Programme (GoI-UNDP) Disaster Risk Reduction Programme 2009 - 2012 hnuaia State Steering Committee chu a vawi 1-na atan an thu khawm.

State Steering Committee thu khawm chuan GoI-UNDP DRR Programme hnuaia hmalakna te leh DRR Programme Annual Work Plan - 2010 an thlir ho va, District Disaster Management Authority te hnena Fund pek dan tur ruahmanna an en ho bawk. Committee chuan Draft Mizoram Disaster Management Rules chungchang te, State Crisis Management Plan chungchang te, State Disaster Management Plan leh a buaipuitu tur Kalinga International Institute of Technology & Science (KIITS) chungchang te, Draft Mizoram State Disaster Corpus Fund leh a hman tangkai dan tur te an sawi ho a.

Mizoram Earthquake Hazard Zonation Project atan Final Report Pu Lalliana Mualchin Seismologist in a rawn thehlut tawh chungchang te, State Disaster Response Force chungchang leh chhiatna lo thlen huna zirlai naupangte himna atan zirna in tam thei ang bera mock drill neih chungchang te an sawi bawk a ni.