India ram pum huapa chhiah khawn dan thar “Goods & Services Tax (GST)” enkawlna atana hman tur GST Portal chungchangah Taxation Department chuan nimin (25.4.2017) atang khan ni riat (8) awh tur training I&PR Conference Hall-ah a buatsaih. 

GST Portal Training hawnna inkhawm nimina neih hi Dr. C.Vanlalramsanga, Secretary, Taxation chuan a hawng a. Goods & Services Tax dan thar hi July ni 1, 2017 atangin India ram pumah hman a nih tur thu leh, he dan thar hnuaiah hian Internet leh Computer tello chuan sumdawn a har tawh tur thu a sawi a ni. 

Training hi Batch li (4) a neih niin, Mizoram hmun hrang hranga Taxation Officer mi 74-te chu GST Portal Master Trainer panga ten zirtirna an pe dawn a, anni hian sumdawng leh midang an la zirtir chhawng leh ang. 

Training hawnna inkhawm hi Course Coordinator, ATI Deputy Director Pu Thara Lungtau in a kaihruai a, Pu C. Vanlalchhuana, Asst. Commissioner of Taxes, State Training Coordinator chuan Technical Report pein, Pu L.H Rosanga, Commissioner of Taxes chuan lawmthu sawiin a khar a ni.