No.3986/2021-2022

Aizawl, the 14th February 2022: Governor Hari Babu Kambhampati chuan vawiin khan Doordarshan, Mizoram leh All India Radio, Mizoram hotulu te  chu Raj Bhavan-ah a kawm a. He hunah hian National Broadcaster 2 te hian an kalphung leh Mizoram chhunga an hnathawh dan te Governor an sawipui a. Mipui tam zawkin Central Sawrkar atanga dawn theih scheme tha tak tak te an lo hriatchian leh zual na tura thil tih ngai te an sawiho nghal a ni.

Doordarshan  leh  All India Radio aiawh ten an hmalakna chungchangah sawifiahna hun an hmang hmasa a. Hemi hnu hian Governor Hari Babu Kambhampati chuan meeting neih a nih chhan te sawiin tun thlenga National Broadcaster 2 ten Mizoram chhunga mipui rawng an bawl dan chu tha thawkhat a tih thu a sawi a ni. Governor chuan Mizoram mipui 99% dawn lain AIR leh DDK programme te an chhim phak chu hlawhtlinna lian tak a ni tih a sawi a. AIR leh DDK te chu tan la zual tur leh  theihtawp chhuah chhunzawma; a bikin central Schemes hrang hrang chungchangah mipui zirtirna uar sauh sauh turin a chah a ni. 

Tunah hian Mizoram mipui tam zawkin Central Sawrkar atanga tanpuinascheme tha tak tak kan dawn theih - Pradhan Mantri Jan Dhan Yojana (PMJDY), Pradhan Mantri Jeevan Jyoti Bima Yojana (PMJJBY), Pradhan Mantri Suraksha Bima Yojana (PMSBY), Atal Pension Yojana (APY), Pradhan Mantri Mudra Yojana, Stand Up India Scheme, Pradhan Mantri Vaya Vandana Yojana leh a dang te hi an la hrechiang tawk lo hleah a ngaih theih tih Governor chuan a sawi a. Hemi chungchangah hian National Broadcaster 2 te, Chanchinbumite leh scheme nodal department ten nasa taka tan an lak a ngai a ni a ti.