3845/2022-2023

Aizawl, the 15th March 2023: Governor Hari Babu Kambhampati chuan vawiin khan Conference Hall, Education Department, Mizoram University ah ni 3 chhung awh, National Seminar on "NEP-2020 Philosophy: Indian Philosophical Thoughts and Contribution of Thinkers to the field of Education" a hawng a. He National Seminar hi Indian Council of Social Science Research (ICSSR) in Azadi Ka Amrit Mahotsav hmalakna kal zel hnuaia an rawn chhawp chhuah niin Education Department, Mizoram University ten an huaihawt thung a ni.

Governor Hari Babu Kambhampati chuan National Education Policy 2020 chu Education Policy kan neih tawh zinga belh chian dawl ber, a ram mipuite mamawh leh mil a duan a ni a ti. NEP 2020 hian zirlai te chu khawtlanga an chhungkaw dinhmun emaw sum leh pai thua an chhungkaw dinhmun a thliar hranna awm miah lovin, Zirna tha zawk, intluk tlanna leh remchanna ang khat a chhawp chhuahsak dawn a. He policy hian multidisciplinary education, research, leh innovation lam te a dah pawimawh bik dawn bawk a. Hemi avang hian India in nakin lawkah khawvel thluak bur(Global Knowledge Super Power) nih a tumna pawh a hlen theih a beiseiawm hle a ti. Governor chuan NEP 2020 hi document satliah a ni loa, he policy hian tihhlawntlin tur kawng hrang hrangah huntiam neiin a chhawp teuh a. Hei vang hian NEP 2020 kalpui hi thil awlsam a ni lo tih a hriat a, Zirtirtute inpekna, taihmakna, thahnem ngaihna leh remhriatnaah te NEP 2020 tihhlawhtlina chu a innghat nasa leh zual a ni a ti.

Full speech of Governor Hari Babu Kambhampati: https://dipr.mizoram.gov.in/post/speech-of-dr-hari-babu-kambhampati-honble-governor-of-mizoram-on-the-occasion-of-national-conference-on-nep-2020-philosophy-indian-philosophical-thoughts-and-contribution-of-thinkers-to-the-field-of-education-organized-by-department-of-education-mizoram-u

National Seminar hawnna program hi inlawmna thu Prof. Lokanath Mishra, Head, Department of Education, Mizoram University chuan a sawi hnuah tan a ni a. Education Department, MZU dinhmun leh hmachhawp te Prof. Lalhmasai Chuaungo Dean, Faculty of Education, Mizoram University in a sawi chhunzawm nghal a. Hemi hnu hian Dr. Muttu Vemula, Conference Convener, Department of Education, Mizoram University chuan he hun rawn chhimtu - professor, scholar leh zirlaite hriatah Seminar neih chhunga zirtur leh thupui hrang hrang te sawihawna a nei leh a ni. Inaugural program-ah hian Khuallian bakah Seminar thupui hnuaia an ngaihpawimawh zawng te sawiin key speaker pathum - Prof. Ghanta Ramesh Visiting Professor, MANUU, NCTE Members SRC, Prof. Lalnundanga, Registrar, Mizoram University, leh  Prof. Pravakar Rath, Vice Chancellor, Mizoram University te chuan hun an hmang leh bawk a ni.