Mizoram Bharat Scouts and Guides 13th State Rally December 7-12 chhung neih tur chu nimin khan Mizoram Governor leh Patron nibawk Lt.Gen.(Retd) M.M. Lakhera, PVSM, AVSM, VSM chuan State Training Centre,Tanhril ah a hawng. Hawnna inkhawm hi Rev. Dr.C.L.Hminga, Vice President, Mizoram Bharat Scouts and Guides leh Camp Chief in a kaihruai a ni.
 
 

Governor chuan Scouts and Guides movement hian a tum bul ber chu mihringpuite chunga thil tha tih a ni a, tuna kan awmna leh dinhmun atanga hmasawnin hmun nuam zawk leh dinhmun tha zawk a din chu kan tum ber a ni fo thin a ti a. Mitin hian tlinlohna hrang hrang kan nei vek a, chung chu tuma min rel fel sak tur nilovin mahni theuhvin kan hneh a kan chin fel chu mimal tin tih tur a ni zawk fo ang. Chuvangin tuna Scouts and Guides naupang tete te pawh hian an nakin hnu dinhmun tur chu tun atang hian inbuatsaih tur a ni tiin Governor chuan Camp a lo tel te chu a fuih.

Governor hian Scouts & Guides Commissioner leh Unit Leader mi 42 te hnenah Award a hlan a, Hon’ble Charge for ALT(S) chu Pu Lalngilneia Colney hnenah a hlan bawk.

Tun State Rally  ah hian District tinte atangin Scouts & Guides leh Contingent Leader te leh Official te nen 467 chuang he camp ah hian an tel a ni.
 
 
 
 

Attachment

  • Loading attachment...