Prajapita Brahma Kumaris Ishwariya Viswa Vidyalaya, Aizawl Centre te chuan vawiin chawhma khan Aizawl khawpui chhungah Angels March an nei a. He kawngzawhna hi Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) chuan Raj Bhavan-ah a vailiam a ni.

Governor chuan muanna leh inunauna tha siam tura brahma kumaris-te thil tih chu lawmawm a tih thu a sawi a. Mizoramah tharum tel lo muanna kan nei a, a chengte pawhin a hlutzia kan hrethiam a ni, a ti a. He pawl hian chhunglam thlamuanna kan neih theih nan hma la zel se a duh thu a sawi a ni.

Angels March hawnna inkhawm hi Raj Bhavan-a Multipurpose Hall-ah neih hmasak a ni a, Thuampui Centre atangin Pi BK Narmada-i’n a kaihruai a ni.